அமைச்சர் மரிய வில்சன் கவனத்திற்காக மட்டுமல்ல...

 தமிழ் மொழியின் சொல்வளம், இலக்கியச் சிறப்பு, பண்பாட்டு நெறி ஆகியவற்றை வியந்து போற்றிய, தமிழ் வளர்ச்சிக்கு அரும்பணியாற்றிய கிறிஸ்தவ அறிஞர்களில் சிலர் –

வீரமாமுனிவர்: "தமிழ் மொழி பிற மொழிகளின் துணையின்றித் தனித்து இயங்கும் ஆற்றல் கொண்டது; அதன் இலக்கண அமைப்பும் சொல்வளமும் உலகளாவிய வியப்பைத் தருபவை," என்று தமிழைப் புகழ்ந்தார். முதன்முதலில் சதுரகராதியைத் தந்ததுடன், 'தேம்பாவணி' என்ற காவியத்தையும் படைத்துத் தமிழ் காப்பிய உலகிற்குப் பங்களித்தார்.

ஜி.யு. போப்: "நான் இறக்கும்போது என் கல்லறையில் 'ஒரு தமிழ் மாணவன் இங்கே உறங்குகிறான்' என்று எழுதப்பட வேண்டும்" என்று அறிவித்தார். திருக்குறள், திருவாசகம், நாலடியார் ஆகிய நூல்களை ஆங்கிலத்தில் கொண்டுசென்று, தமிழின் அறக்கோட்பாடுகளையும் மெய்யியலையும் உலகறியச் செய்தார்.

கால்டுவெல்: "திராவிட மொழிகளின் ஒப்பிலக்கணம்" என்ற தனது வரலாற்றுச் சிறப்புமிக்க நூலின் மூலம், தமிழ் மொழி சமஸ்கிருதத்தின் துணையின்றித் தனித்து இயங்கும் தனித்தியங்கும் பண்பு கொண்டது என்று எடுத்துக்காட்டினார். மற்ற சில திராவிட மொழிகளுக்குத் தாயாகவும் தமிழ் திகழ்வதையும் அறிவியல் பூர்வமாக நிறுவினார்.

ஹென்றி ஹென்றிக்ஸ்: தமிழ் அச்சுக்கலையின் தந்தை என்றழைக்கப்படும் இவர், தமிழில் முதன்முதலில் நூல்களை அச்சிட்டு, தமிழ் எழுத்து வடிவம் அச்சு ஊடகத்திற்குள் நுழைய வழிவகுத்த ஒரு முன்னோடி.

ரெவரெண்ட் பாப்லி: "திருக்குறள் மனிதகுலத்தின் பொதுவான அறநூல். அதில் காணப்படும் கருத்துகள் எந்தவொரு குறிப்பிட்ட மதத்திற்கோ அல்லது காலத்திற்கோ மட்டும் கட்டுப்பட்டவை அல்ல" என்று  போற்றியவர்.

தனிநாயக அடிகள்: உலகத் தமிழ் ஆராய்ச்சி மன்றத்தைத் தோற்றுவித்தவர். தமிழின் தொன்மையையும் செம்மொழித் தகுதியையும் உலக அரங்கிற்கு எடுத்துச் சென்றவர். "உலகில் வேறு எந்த மொழியிலும் இல்லாத அளவிற்கு இயற்கையையும் மனித நேயத்தையும் காதலையும் அறத்தையும் பாடிய மொழி தமிழ்" என்று பன்னாட்டு மாநாடுகளில் பறைசாற்றியவர்.

தமிழைப் புகழ்வதோடு நிற்காமல், அகராதிகள், இலக்கண நூல்கள், அச்சு வடிவங்கள், மொழிபெயர்ப்புகள் மூலமாகத் தமிழ் மொழியை நவீனத்தின் வாகனத்தில் பயணிக்கச் செய்வதிலும் தலையாய பங்காற்றிய, கிறிஸ்துவர்களான, பைபிள் படித்த வேறு பல கிறிஸ்துவ முன்னோடிகளும் உண்டு.

இந்த விவரங்கள், தனக்கும் தமிழ்ப்பற்று உண்டு என்று சட்டமன்றத்தில் விளக்கமளித்துள்ள தமிழ்நாடு நிதியமைச்சர் மரிய வில்சனின் கூடுதல் கவனத்திற்காக. அதேவேளையில் அவருடைய கவனத்திற்காக மட்டுமல்ல. 

[0]

-முகநூல் பதிவு